Sulmuesi i Kombëtares, Arbër Hoxha shënoi gol dhe asistoi në fitoren 4-1 të Dinamos Zagrebit ndaj Slaven Belupos.
Në minutën e 41-të, pas një aksioni të shkëlqyer individual, Hoxha zhbllokoi shifrat duke kaluar në avantazh skuadrën e tij dhe më pas në kohën shtesë të pjesës së parë, ai asistoi në mënyrë brilante Kulenoviç, i cili dyfishoi rezultatin.
Pavarësisht një pjesë të parë të shkëlqyer, trajneri Mario Kovaçeviç e la atë në dhomën e zhveshjes në pushim dhe në vend të tij hyri Mateo Lisica.
Fatkeqësisht, mësohet ai u largua nga loja për shkak të një dëmtimi dhe lajmet e para nga dhoma e zhveshjes së Dinamos Zagrebit thonë se ai e ndjeu dhimbje aduktorin e tij.
Ende nuk dihet se sa serioz është dëmtimi, vetëm një ekzaminim mjekësor do të tregojë nëse është një dëmtim i lehtë apo një këputje e mundshme.
Trajneri i Dinamos, Mario Kovaçeviç, foli gjithashtu për këtë problem pas ndeshjes.
“Ai po luan mirë, kur erdha këtu, kishte një pyetje nëse do të largohej. Sapo mbërrita, i thashë se do të luante. Ajo që po bën është ajo që pres prej tij. Jam i kënaqur me formën e tij, shpresoj të mos ketë pësuar ndonjë dëmtim serioz”, tha trajneri i Dinamos pas ndeshjes.
