Ditën e sotme, më 6 tetor, nis viti i ri akademik 2025-2026, në të gjitha universitetet e vendit. Universiteti i Tiranës dhe në këtë vit akademik vijon të jetë zgjedhja e parë e maturantëve.
Për këtë vit në auditoret e UT-së do të jenë 11 mijë studentë në të gjitha nivelet e studimit.
160 studentë më shumë se viti i kaluar kanë zgjedhur të studiojnë këtë vit në Universitetin e Tiranës, ku nga rreth 20 mijë maturantë, 60% e tyre zgjodhën UT.
Ndërkohë procesi i regjitrimit për studentët që nuk kanë zgjedhur ende, vijon të jetë i hapur deri më 8 tetor.
Raundi i tretë i regjistrimeve është në datat 13-24 tetor ku studentët e paregjistruar ende do të njihen me kuotat e mbetura të lira.
