Ish-kapiteni i Sunderlandit, Lorik Cana, ka qenë i pranishëm në ndeshjen ndaj Aston Villas për t’i dhënë mbështetje ish-klubit si dhe futbollistit shqiptar Granit Xhakës.
Cana doli në fushë pak para se të niste ndeshjen edhe për të përshëndetur tifozët, të cilët e duartrokitën.
Pas ndeshjes, ai u fotografua me kapitenin aktual, pra Granit Xhakën, i cili edhe asistoi te goli i barazimit, ku dhuroi një asist të bukur me kokë për Isidor.
Kujtojmë, Cana ishte pjesë e Sunderlandit në sezonin 2009-2010, ku zhvilloi 31 paraqitje në Premier League, si dhe dhuroi një asistim atë sezon.
Ai gjithashtu kishte zhvilluar katër paraqitje, dy në FA Cup dhe dy në Kupën e Ligës.
